ആര്യവേപ്പിന്റെ ഔഷധഗുണങ്ങൾ അറിയാമോ ?

By Ayurmedi - June 09 , 2018

അടിമുടി ഔഷധം നിറഞ്ഞതാണ് ആര്യവേപ്പ്. പണ്ട് കാലങ്ങളില്‍ എല്ലാ വീട്ടിലും ഒരു ആര്യവേപ്പ് സ്ഥിരം കാഴ്ച്ചയായിരുന്നു. കാലം മാറിയപ്പോള്‍ ആ കാലവും പിന്നിലേക്ക് മറഞ്ഞു. എങ്കിലും ആര്യവേപ്പിന്റെ ഗുണങ്ങള്‍ കാലത്തെ കവച്ച് ഇപ്പോഴും നിലനില്‍ക്കുകയാണ്. ആരോഗ്യത്തിന് വേണ്ടി മാത്രമല്ല സൗന്ദര്യ സംരക്ഷണത്തിനും ആര്യവേപ്പ് ഉപയോഗിക്കാം. വേപ്പിന്റെ ചെറിയ തണ്ട് പല്ല് വൃത്തിയാക്കുന്നതിനായി ഉപയോഗിക്കാറുണ്ട്. കൂടാതെ ത്വക്ക് രോഗങ്ങൾ, സന്ധിവാതം,വൃണം, ചുമ, പ്രമേഹം തുടങ്ങിയ രോഗങ്ങള്‍ക്ക് ഔഷധ നിർമ്മാണത്തിനായി വേപ്പിന്‍റെ പല ഭാഗങ്ങളും ഉപയോഗിക്കുന്നു. വേപ്പിന്‍റെ മരപ്പട്ട, ഇല, എണ്ണ എന്നീ ഭാഗങ്ങള്‍ ഔഷധയോഗ്യമാണ്.

ആര്യവേപ്പില പലതരം അസുഖങ്ങള്‍ക്കും ആശ്വാസമാണ്. ദിവസം വെറുംവയറ്റില്‍ രണ്ട് ആര്യവേപ്പില കടിച്ചു ചവച്ചു തിന്നുന്ന ശീലമുള്ളവരുണ്ട്. ആര്യവേപ്പില ആരോഗ്യത്തിന് ഗുണമല്ലാതെ ദോഷം ചെയ്യില്ല. മലയാളിക്ക് പരിചിതമാണ് ഈ മരം. സംസ്കൃതത്തിൽ നിംബാ , വേമ്പക , രമണം , നാഡിക എന്നീ പേരുകളിൽ വെപ്പ് അറിയപ്പെടുന്നു . വമ്പിച്ച ഔഷധ ഗുണവും , രുചിയിൽ കയ്പ്പ് രസവുമുള്ള ഈ വൃക്ഷം ഏകദേശം പന്ത്രണ്ടു മീറ്ററോളം ഉയരത്തിൽ വളരുന്നു .

ഔഷധ ഗുണങ്ങൾ :

വാതം , ത്വഗ് രോഗങ്ങൾ , കുഷ്ഠം , രക്ത ദൂഷ്യം , കഫ പിത്ത ദോഷം എന്നീ രോഗങ്ങൾക്ക് ഔഷധമായി ഉപയോഗിക്കുന്നു . ഇതിന്റെ തൊലി , ഇല, വിത്ത് , എണ്ണ എന്നിവ വിവിധ ചികിത്സകല്ക്ക് ഉപയോഗിക്കുന്നു . പ്രമേഹ രോഗികള്ക്ക് രക്തത്തിലെ പഞ്ചസാര കുറക്കാൻ വേപ്പില ഉപയോഗിക്കാം . വേപ്പില ഇട്ടു വെന്ത വെള്ളത്തിൽ കുളിക്കുന്നത് ചർമ രോഗങ്ങൾ ശമിപ്പിക്കും . ഇല നീരിൽ അല്പം തേൻ ചേർത്ത് വെറും വയറ്റിൽ കഴിക്കുന്നത്‌ ഉദര കുടൽ കൃമികൾ നശിക്കുന്നതിനു സഹായിക്കും .പുരാതന കാലം മുതലേ പവിത്രമായ സ്ഥാനമാണ് വേപ്പിനുള്ളത് . വീട്ടു മുറ്റത്ത്‌ വെപ്പ് വളർത്തുന്നത് അന്തരീക്ഷ ശുദ്ധിക്കും നല്ലതാണത്രേ . വേപ്പിന്റെ വിത്തിൽ നിന്നും എണ്ണ ആട്ടിയെടുക്കുന്നു . വേപ്പിൻ പിണ്ണാക്ക് നല്ല വളവും കൂടാതെ ജൈവ കീട നാശിനിയും ആണ് .

അണുബാധയും മുഖകുരുവും തടയും

ആര്യവേപ്പില വെളളത്തെ ശുദ്ധമാക്കും. അതിനാല്‍ രണ്ട് ലിറ്റര്‍ വെള്ളത്തില്‍ 50 ആര്യവേപ്പിലെ ഇട്ട് തിളപ്പിച്ച് ഈ വെള്ളം സൂക്ഷിച്ച് വെക്കുക. എന്നിട്ട് കുളിക്കാനുള്ള വെള്ളത്തില്‍ ഇത് കുറച്ച് ചേര്‍ക്കുക. ഇത് ശരീരത്തിലെ അണുബാധ അകറ്റുകയും മുഖക്കുരു തടയുകയും ചെയ്യും.

മുഖത്തെ പാടുകൾ ബ്ലാക്ക് ഹെഡ്സ് മാറുവാൻ

അതിനാല്‍ രണ്ട് ലിറ്റര്‍ വെള്ളത്തില്‍ 50 ആര്യവേപ്പിലെ ഇട്ട് തിളപ്പിച്ച് ഈ വെള്ളം സൂക്ഷിച്ച് വെക്കുക. ഇതേ വെള്ളം ഒരു കോട്ടണ്‍ തുണിയില്‍ മുക്കി ഇത് ഉറങ്ങുന്നതിന് മുമ്പ് മുഖത്ത് തേക്കുക. ഇത് മുഖക്കുരു, കറുത്ത പാടുകള്‍, ബ്ലാക്ക് ഹെഡ്‌സ് എന്നിവയില്‍ നിന്ന് മോചനം നല്‍കും.

ഫേസ്പാക്കായും ആര്യവേപ്പ് ഉപയോഗിക്കാം

ആര്യവേപ്പില പത്തെണ്ണം എടുത്ത് ഒറഞ്ച് തൊലിയും വെള്ളവും ചേര്‍ത്ത് തിളപ്പിക്കുക. ഇത് ഒരു പള്‍പ്പ് രൂപത്തിലാക്കി തേനോ പാലോ ചേര്‍ത്ത് മുഖത്ത് പുരട്ടിയാല്‍ മുഖം കൂടുതല്‍ തിളക്കമുള്ളതാകും.

മറ്റു പ്രധാന ഗുണങ്ങൾ

ലോകത്തെ ഏറ്റവും കൂടുതല്‍ ജനങ്ങള്‍ പല്ലുതേക്കാന്‍ ഉപയോഗിക്കുന്ന പ്രകൃതിദത്ത ടൂത്ത് ബ്രഷ് ആണ് വേപ്പിന്‍കമ്പ്. ഇതുകൊണ്ട് പല്ലുതേക്കുമ്പോള്‍ പേസ്റ്റ് ആവശ്യമില്ല. വേപ്പിലത്തൊലിയും കറുവാപ്പട്ടയും കഷായമാക്കി കുടിച്ചാല്‍ വിശപ്പില്ലായ്മയും ക്ഷീണവും മാറും. തൊലി കഷായം വെച്ച് കുരുമുളകുപൊടി ചേര്‍ത്തു സേവിച്ചാല്‍ പനി മാറും. വേപ്പില അരച്ച് തേനില്‍ ചേര്‍ത്ത് സേവിച്ചാല്‍ കൃമിശല്യം മാറും.

മഞ്ഞപ്പിത്തത്തിന് ഈ സസ്യം വളരെയധികം ഗുണം ചെയ്യുമെന്ന് ആയുര്‍ വേദവും നാട്ടുവൈദ്യവും പറയുന്നുണ്ട്. കരളിന് ഉത്തമമായ ലോഹിതാരിഷ്ടത്തിന് പ്രധാന ചേരുവയാണ് ഈ സസ്യം. ഈ ഔഷധസസ്യത്തിന്റെ ഔഷധഗുണങ്ങളെക്കുറിച്ച് നിരവധി ശാസ്ത്രീയ പഠനങ്ങള്‍ വന്നിട്ടുണ്ട്. ഇലയും തൊലിയും കായും ഔഷധയോഗ്യമാണ്. രോഗാണുക്കളെ നശിപ്പിക്കുവാന്‍ കഴിവുള്ള ആര്യവേപ്പ് കീടനാശിനി കൂടിയാണ്. വിഷാണുക്കളെയും രോഗബീജങ്ങളെയും നശിപ്പിക്കാനുള്ള വേപ്പിലയുടെ ശക്തി ഭാരതീയര്‍ വളരെക്കാലങ്ങള്‍ക്ക് മുമ്പുതന്നെ മനസ്സിലാക്കിയിരുന്നു. വായുവിലെ കൃമികളെയും മാലിന്യങ്ങളെയും ഇല്ലാതാക്കുവാനുള്ള അത്ഭുതശക്തി വേപ്പിലക്കുണ്ട്. പല്ലുവേദന, മോണപഴുപ്പ്, ജ്വരം, പൂപ്പല്‍ എന്നീ രോഗങ്ങള്‍ക്ക് ഔഷധമായി വേപ്പ് ഉപയോഗിക്കുന്നു.

മഞ്ഞപ്പിത്തം - 10 മില്ലി ലിറ്റര്‍ വീതം വേപ്പിലനീരും തേനും ചേര്‍ത്ത് രണ്ടുനേരം വീതം മൂന്നുദിവസം സേവിക്കുക. ചിക്കന്‍പോക്സിന് ആര്യവേപ്പ് അരച്ച് ദേഹത്ത് തേച്ചുകൊടുക്കാം. ഇല താരനെതിരെ എണ്ണ കാച്ചാന്‍ വേണ്ടി ഉപയോഗിക്കുന്നു. മുഖക്കുരു മാറുന്നതിന് ഇലയും മഞ്ഞളും അരച്ച് തേക്കുന്നു. ഒരു പിടി വേപ്പിലയിട്ട് തലേദിവസം തിളപ്പിച്ച വെള്ളം കൊണ്ട് രാവിലെ ഉണര്‍ന്നാലുടന്‍ ആ വെള്ളത്തില്‍ മുഖം കഴുകുക. ഉളുക്കിന് വേപ്പെണ്ണ ഉപയോഗിക്കും. വേപ്പില കൊമ്പുകളോടെ ഒടിച്ച് കിടപ്പുമുറിയില്‍ സൂക്ഷിക്കുന്നതും, വേപ്പില പുകയ്ക്കുന്നതും കൊതുകുകളെ അകറ്റും. വേപ്പിലയും മഞ്ഞളും കടുകെണ്ണയില്‍ ചാലിച്ച് ലേപനമായി ഇട്ടാല്‍ ചൊറി ശമിക്കും.അഞ്ചാം പനിക്ക് വേപ്പിലയും കുരുമുളകും കൂടി സമം അരച്ചുരുട്ടിയത് നെല്ലിക്ക വലിപ്പം രണ്ടു നേരം വീതം മൂന്നു ദിവസം കഴിക്കുക.

പരിസ്ഥിതിക്ക് കോട്ടം തട്ടാത്ത വിധത്തിലുള്ള ജൈവ കീടനാശിനികള്‍‍ നിര്‍മ്മിക്കുന്നതിനായി വേപ്പില വിത്ത് എന്നിവ ഉപയോഗിക്കുന്നു. ജൂണ്‍‍ മുതല്‍‍ ഓഗസ്റ്റ് മാസം വരെയുള്ള സമയത്താണ് വേപ്പിന്റെ വിത്തുകള്‍ വിളഞ്ഞ് പാകമാകുന്ന സമയം. ഈസമയത്ത് മരച്ചുവട്ടില്‍‍ പഴുത്ത് വീഴുന്ന വേപ്പിന്‍‍ കായ്കള്‍ ഉണക്കി സൂക്ഷിച്ച് വെയ്ക്കാം.

അറിയിപ്പ് ....

ഈ വെബ്‌സൈറ്റിൽ പ്രസിദ്ധീകരിച്ചിട്ടുള്ള വിവരങ്ങൾ വിദ്യാഭ്യാസ ആവശ്യങ്ങൾക്കും വായനക്കാരുടെ അറിവിലേയ്ക്കും വേണ്ടി മാത്രം ഉദ്ധേശിട്ടുള്ളത് ആണ്. വെബ്‌സൈറ്റിൽ ഉള്ള ലേഖനങ്ങൾ വായിക്കുന്നതിലൂടെ വായനക്കാരനും ലേഖകനും തമ്മിൽ വൈദ്യൻ - രോഗി ബന്ധമില്ല എന്ന് നിങ്ങൾ മനസിലാക്കുകയും അംഗീകരിക്കുകയും ചെയ്യുന്നു. ഈ വെബ്സൈറ്റിലെ ലേഖനങ്ങളിൽ പറഞ്ഞിട്ടുള്ള കാര്യങ്ങൾ പ്രയോഗിക്കാൻ പാടുള്ളതല്ല അഥവാ പ്രയോഗിക്കുകയാണെങ്കിൽ അതിനു മുൻപ് ലൈസൻസ് ഉള്ള ഡോക്ടറോട് നേരിട്ടു കണ്ടു ചോദിച്ചു ഉറപ്പിച്ചതിനു ശേഷം മാത്രമേ ചെയ്യുകയുള്ളൂ എന്ന് ഉറപ്പുവരുത്തുക. ഈ ലേഖനം ആരെയെങ്കിലും ഏതെങ്കിലും തരത്തിൽ വേദനിപ്പിച്ചിട്ടുണ്ടെങ്കിൽ ക്ഷമിക്കുക.കൂടുതൽ വിവരങ്ങൾക്ക്, https://ayurmedi.com/content/Terms_and_Conditions സന്ദർശിക്കുക

Ayurmedi
https://www.facebook.com/ayurmedi.in

Amazon.in Widgets

നാഡിശോധന പ്രാണായാമം : കോവിഡ് കാലത്തെ യോഗ

Gautham K Vijayan Psy.M., PhD (AM) - May 18 , 2021

ഊർധ്വാ മുഖ സ്വനാസനാ : ആസ്ത്മയ്ക്കും, ഡിപ്രെഷനും, നട്ടെല്ലിനും ഉത്തമം.

Gautham K Vijayan Psy.M., PhD (AM) - July 26 , 2020

ഉദാന മുദ്ര : തൈറോയ്ഡ് ഗ്രന്ഥിയുടെ പ്രവർത്തനത്തെ ശക്തിപ്പെടുത്തുന്നു

Gautham K Vijayan Psy.M., PhD (AM) - July 24 , 2020

ആദി മുദ്ര : കൂർക്കംവലി മാറാനും ശ്വാസകോശത്തിനും ഉത്തമം

Gautham K Vijayan Psy.M., PhD (AM) - July 19 , 2020

ആകാശ മുദ്ര : ഹൃദയത്തിന്റെ പ്രവർത്തനത്തിനും, കേൾവി ശക്തിക്കും, മൈഗ്രേയ്‌നും ഉത്തമം.

Gautham K Vijayan Psy.M., PhD (AM) - July 14 , 2020

RELATED ARTICLES
MORE FROM AUTHER

ആകാശ മുദ്ര : ഹൃദയത്തിന്റെ പ്രവർത്തനത്തിനും, കേൾവി ശക്തിക്കും, മൈഗ്രേയ്‌നും ഉത്തമം.

ഗ്യാൻ മുദ്ര : ഉറക്കകുറവിനും, സ്ട്രെസ്, ഡിപ്രെഷൻ എന്നിവയ്ക്കു പരിഹാരം.

പരിപൂർണ നവാസന : തൈറോയ്ഡ് , കിഡ്നി, നട്ടെല്ല് എന്നിവയ്ക്ക് ഉത്തമം

സുരഭി മുദ്ര - അസിഡിറ്റി ഇല്ലാതാക്കാനും ഗ്രന്ഥികളുടെ പ്രവർത്തനത്തിനും

റിഫ്ലെക്സോളജി എന്നാൽ എന്ത് ? പ്രയോജനങ്ങൾ എന്തെല്ലാം ?

മുടി വളരാനും, അകാലനരക്കും, താരനും പരിഹാരം

നെല്ലിക്ക അരിഷ്ടം: ഗുണങ്ങളും, ഉണ്ടാക്കുന്ന വിധവും എളുപ്പത്തിൽ

എന്താണ് രോഗ പ്രതിരോധശേഷി ? ശ്രദ്ധിക്കേണ്ട കാര്യങ്ങൾ..

എന്താണീ കൊറോണ വൈറസ് ? അറിഞിരിക്കേണ്ട പ്രധാന കാര്യങ്ങൾ

ഹാർട്ട് ബ്ലോക്ക് എങ്ങിനെ ഉണ്ടാകുന്നു, എങ്ങിനെ തടയാം?

സ്കൂൾ ഫോബിയ (സ്‌കൂള്‍ പേടി) അകറ്റാൻ ശ്രദ്ധിക്കേണ്ട കാര്യങ്ങൾ

പുതിനയിലയുടെ ഔഷധഗുണങ്ങൾ അറിയാമോ ?