സ്കൂൾ ഫോബിയ (സ്‌കൂള്‍ പേടി) അകറ്റാൻ ശ്രദ്ധിക്കേണ്ട കാര്യങ്ങൾ

By Ayurmedi - November 01 , 2018

സ്കൂൾഫോബിയ എന്നാൽ നിങ്ങളുടെ കുട്ടി സ്‌കൂളിൽ പോകാൻ നിരസിക്കുകയോ ഭയപെടുകയോ ചെയ്യുന്ന അവസ്ഥയാണ്. അഞ്ചിനും ഏഴിനും ഇടയിൽ പ്രായമുള്ള കുട്ടികൾ സ്‌കൂളിൽ പോകാൻ തുടങ്ങുമ്പോഴാണ് സാധാരണയായി സ്കൂൾഫോബിയ കാണപ്പെടുന്നത്. എന്നാൽ കൗമാരക്കാർക്കിടയിലും സ്കൂൾഫോബിയ കാണപ്പെടാറുണ്ട്. ചിലപ്പോൾ സ്കൂൾഫോബിയ, ഒരുകുട്ടി സ്‌കൂളിൽ നിന്ന് അസുഖം മൂലമോ അവധിക്കാലം മൂലമോ വിട്ട് നിൽക്കുമ്പോൾ തുടങ്ങാറുണ്ട്. സ്ക്കൂളിൽ പോകാനുള്ള ഭയം നിങ്ങൾക്കും നിങ്ങളുടെ കുട്ടികൾക്കും വളരെ ക്ലേശകരമായിരിക്കും. എന്നാൽ സ്‌കൂൾ ഫോബിയ വിജയകരമായി ചികിൽസിക്കാവുന്നതാണ്. സ്‌കൂൾ ഫോബിയ കുട്ടിയുടെ വിദ്യാഭ്യാസം തന്നെ അവതാളത്തിലാകാം. ഭാവി ജീവിതത്തിൽ ഉല്കണ്ഠയ്കും, വിഷാദത്തിനും കാരണമാകാം.

അധ്യാപരോടുള്ള പേടി, കുട്ടികളോടുള്ള അടുപ്പക്കുറവ്, പഠനത്തോടുള്ള താല്‍പര്യക്കുറവ് തുടങ്ങി പോകുന്നു കാരണങ്ങള്‍. അകാരണമായ പേടി , അമിത ഉത്കണ്ഠ, മടി ഒക്കെ സ്കൂള്‍ ഫോബിയയുടെ ലക്ഷണമാകാം. ആദ്യദിവസങ്ങളില്‍ കുട്ടികള്‍ കരയുന്നുവെന്ന് കരുതി അവരെ സ്കൂളില്‍ അയക്കാതിരിക്കരുത്. ആദ്യദിവസം ആദ്യദിവസം തന്നെ കുട്ടികളെ അധ ികസമയം സ്കൂളില്‍ ഇരുത്തേണ്ട. പതുക്കെ പതുക്കെ സമയം കൂട്ടികൊണ്ടുവരികയാണ് വേണ്ടത്. മടി മാറ്റാന്‍ ചോകേ്ളറ്റും കളിപ്പാട്ടങ്ങളും വാങ്ങ ിനല്‍കി മടിമാറ്റുന്നത് അത്ര നല്ല ശീലമല്ല. സ്കൂൾ ഫോബിയയ്ക്ക് പിന്നിലെ കാരണങ്ങൾ നിരവധിയാണ്. അധ്യാപകരോടുള്ള പേടി, കുട്ടികളോടുള്ള അടുപ്പക്കുറവ്, പഠനത്തോടുള്ള താല്‍പര്യക്കുറവ് കുടുംബം, കുട്ടി വളര്‍ന്നുവരുന്ന ചുറ്റുപാട്‌, ആദ്യത്തെ കുട്ടി, ഒറ്റ കുട്ടി, കുട്ടിയുടെ ബുദ്ധി പരമായ കഴിവ്‌, ഓട്ടിസം പോലുള്ള ജനിതകമായ കാരണങ്ങള്‍, ഇങ്ങനെ പോകുന്നു കാരണങ്ങള്‍. ഇത്തരം ഭയം മനസ്സിൽ കിടന്നു പിരിമുറുക്കം ഉണ്ടാക്കി അവസാനം കാര്യങ്ങൾ കൈവിട്ടു പോകുന്ന അവസ്ഥയാണ് സ്കൂൾ ഫോബിയ കുട്ടി നിങ്ങളിൽ നിന്ന് വേർപെടുത്തപ്പെടും എന്ന ഭയമായിരിക്കാം സ്‌കൂൾ ഫോബിയക്കുള്ള ഒരു പ്രധാനകാരണം ഇതിനെ സെപ്പറേഷൻ ആങ്‌സൈറ്റി (seperation anxity) എന്ന് പറയുന്നു. കൂടാതെ നിങ്ങൾ കുട്ടികളെ വേർപ്പെടുത്തപ്പെടുന്നതിനെ ഭയപ്പെടുന്നുണ്ടെങ്കിൽ നിങ്ങളുടെ കുട്ടിയും സ്‌കൂളിൽ പോകാൻ ഭയപ്പെട്ടുതുടങ്ങും.- സ്‌കൂൾ ഫോബിയയുടെ കാരണങ്ങൾ സ്ക്കൂളുമായോ വീടുമായോ ബന്ധപ്പെട്ടുമാകാം. വളരെ നിർബന്ധിച്ച് സ്കൂളിൽ വിട്ടാലും, വേണ്ട വിധത്തിൽ പഠനത്തിൽ ശ്രദ്ധിക്കാനോ ഊർജ്ജ സ്വലമായി ഇരിക്കാനോ സ്കൂൾ ഫോബിയ ഉള്ള വിദ്യാർത്ഥികൾക്കു കഴിയില്ല. ഉൾവലിവ് , അശ്രദ്ധ, ഉറക്കം മടുപ്പ് എന്നീ സ്വഭാവങ്ങൾ കാണിക്കും.

തുടരെ തുടരെയുള്ള പനി, ഛര്‍ദി, മനംപിരട്ടല്‍, വയറിളക്കം ശരീരവേദന എന്നിവ സ്‌കൂള്‍ ഫോബിയയുടെ ലക്ഷണങ്ങളാണ്. സ്‌കൂളില്‍ പോകുന്ന കാര്യം പറയുമ്പോള്‍ കുട്ടി ഇത്തരം ലക്ഷണങ്ങള്‍ കാണിക്കുകയാണെങ്കില്‍, സ്‌കൂളിന്റെ കാര്യം വരുമ്പോള്‍ കുട്ടികള്‍ക്ക് ഉത്കണ്ഠയോ ഭയമോ ഉണ്ടാകുന്നു എങ്കിൽ നിങ്ങളുടെ കുഞ്ഞിന് സ്കൂൾ ഫോബിയ ഉണ്ടെന്നു മനസിലാക്കാം.

ഇത്തരം കുട്ടികൾ ചെറിയ പ്രശ്നങ്ങള്‍ക്ക് പോലും സ്ക്കൂളില്‍ പോകാന്‍ മടികാണിക്കുന്നതുകൊണ്ട് ഒട്ടേറെ അധ്യയന ദിവസങ്ങള്‍ നഷ്ടപ്പെടുന്നു. സ്ക്കൂളില്‍ പോകുന്നതിനെക്കുറിച്ച് പറയുമ്പോള്‍തന്നെ പേടിയും സങ്കടവും കാണിക്കുന്നവരെയും പലതരത്തിലുളള അസുഖലക്ഷണങ്ങള്‍ പറഞ്ഞ് ഒഴിഞ്ഞുമാറുന്നവരെയും രക്ഷിതാക്കള്‍ കാര്യമായി ശ്രദ്ധിക്കേണ്ടതുണ്ട്. സ്ക്കൂള്‍ ഫോബിയക്കാരെ വീടുകളില്‍ സാധാരണ കുട്ടികളെ പോലെത്തന്നെ വേണം പരിഗണിക്കാന്‍.

ഇക്കൂട്ടരെയും പഠിക്കാന്‍ താല്‍പ്പര്യമില്ലാതെ പഠനമുപേക്ഷിച്ചുപോകുന്നവരെയും ഒരേ ഗണത്തില്‍പെടുത്താനാകില്ല. പഠനമുപേക്ഷിച്ചു പോകുന്ന മുതിർന്ന കുട്ടികളെ അവരുടെ വഴിക്കു വിടാമെങ്കിലും സ്ക്കൂള്‍ ഫോബിയക്കാരെ രക്ഷിതാക്കളും മറ്റും നല്ലവണ്ണം ശ്രദ്ധിക്കേണ്ടതുണ്ട്. കാരണം ഇവര്‍ മിക്കപ്പോഴും ആകാംക്ഷാഭരിതരും പെട്ടെന്ന് വികാരങ്ങള്‍ക്ക് അടിമപ്പെടുന്നവരുമായിരിക്കും. സ്ക്കൂള്‍ ഫോബിയയുളള കുട്ടികള്‍ സ്ക്കൂളില്‍ പോകുന്നതിനെപ്പറ്റി ചിന്തിക്കുമ്പോള്‍തന്നെ പരിഭ്രാന്തിയും ശാരീരിക അസ്വസ്ഥതകളും പ്രകടിപ്പിക്കാൻ തുടങ്ങും.

ഒരു കുട്ടി അവനെ ഭയപെടുത്തുന്നതോ ഭീതി ജനകമായതോ ആയ സാഹചര്യം കാരണം ഭയപെടാം. ഇത് ഒരു പക്ഷെ പരീക്ഷയിൽ തോൽപിക്കും എന്ന ഭയമാകാം അല്ലെങ്കിൽ കർശനക്കാരായ അദ്ധ്യാപകർ ,ഒരു ക്ലാസ്സിന് മുമ്പിൽ സംസാരിക്കുന്നതോ എന്തെകിലും അവതരിപ്പിക്കുന്നതോ, ഉപദ്രവിക്കുന്നതോ ആകാം അല്ലെങ്കിൽ ഒരു കുട്ടി അവൻ സ്കൂളിൽ ആയിരിക്കുമ്പോൾ അവന്റെ രക്ഷിതാക്കൾ അവനെ എന്നന്നേക്കുമായി ഉപേക്ഷിക്കുമെന്നും ചിന്തിക്കാം.

രക്ഷിതാക്കൾ തീർച്ചയായും കുട്ടിയോട് സ്കൂളിൽ നടക്കുന്ന കാര്യത്തെ കുറിച്ചും അവർ ഭയപെടുന്നതിനെ കുറിച്ചും സംസാരിച്ചിരിക്കണം. കൂടാതെ കുട്ടിയുടെ അദ്ധ്യാപകരോട് ആശയവിനിമയം നടത്തുക എന്നത് വളരെപ്രധാനപെട്ടതാണ്. കാരണം അദ്ധ്യാപകരാണ് കുട്ടിയുടെ സ്കൂളിൽ വെച്ചുള്ള സ്വഭാവ മാറ്റങ്ങൾ ആദ്യം ശ്ര ദ്ധിക്കുക. രക്ഷിതാക്കൾ നിർബന്ധമായും സ്കൂൾ കൗൺസിലറുടെ അടുത്ത് നിന്നോ സ്കൂൾ നഴ്‌സിന്റെ അടുത്തു നിന്നോ കുട്ടികളുടെ മനഃശാസ്ത്രജ്ഞനിൽ നിന്നോ ഉപദേശം സ്വീകരിച്ചിരിക്കേണ്ടത് അത്യാവശ്യമാണ്. സ്കൂളിലെ കൗൺസിലർമാരും, നഴ്‌സുമാരും, കുട്ടിയുടെ രക്ഷിതാക്കളും അദ്ധ്യാപകരുമായി കൂടിച്ചേർന്നു കുട്ടിയുടെ പ്രശ്നത്തിന്റെ കാരണം കണ്ടെത്തുകയും അതിനുള്ള പരിഹാരമാർഗങ്ങൾ നിർദേശിക്കുകയും ചെയ്യും. കുട്ടിയെ ഒരു പീഡിയാട്രീഷ്യനെ കാണിച്ചു കുട്ടികാണിക്കുന്ന രോഗലക്ഷണങ്ങൾക്കു മറ്റു കാരണങ്ങൾ ഇല്ലായെന്നുറപ്പുവരുത്തുകയും ചെയ്യുക.

ശ്രദ്ധിക്കേണ്ട കാര്യങ്ങൾ:

1. ചീത്ത പറഞ്ഞു കുഞ്ഞുങ്ങളെ സ്കൂളിലേക്ക് അയക്കാതെ, സമ ചിത്തതയോടെ അവരെ സ്കൂളിൽ പോകുന്നതിന്റെ ഗുണങ്ങൾ പറഞ്ഞു മനസ്സിലാക്കുക.

2. കുഞ്ഞു കൂടുതൽ ഭയം കാണിക്കുന്നുണ്ടെങ്കിൽ ഒന്ന് രണ്ടു ദിവസത്തേക്ക് മാതാ പിതാക്കൾക്ക് അവന്റെ കൂടെ സ്കൂളിൽ പോകുന്നത് നന്നായിരിക്കും, ടീച്ചർമാരും മറ്റു വിദ്യാർത്ഥികളുമായി കുട്ടിക്ക് കൂടുതൽ അടുക്കാനുള്ള സാഹചര്യം ഉണ്ടാക്കിയെടുക്കാൻ ഇതിലൂടെ സാധിക്കും.

3. സ്കൂളിൽ പോകുമ്പോഴും തിരിച്ചു വരുമ്പോഴും അവനെ പ്രോത്സാഹിപ്പിക്കുകയും കൂടുതൽ സ്നേഹവാത്സല്യത്തോടെ പെരുമാറുകയും ചെയ്യുക.

4. അധ്യാപകരുമായും സ്ക്കൂളിലെ കൗണ്‍സിലര്‍മാരുമായും മന:ശാസ്ത്രജ്ഞനുമായും കുട്ടിയുടെ പ്രശ്നങ്ങള്‍ വിശദമായി സംസാരിക്കുക.

5. കുട്ടിയുടെ സംസാരത്തില്‍നിന്നും സ്ക്കൂളില്‍ പോകാതിരിക്കാനുളള കാരണം കണ്ടെത്തുകയും അധ്യാപകരുമായും സ്ക്കൂളിലെ കൗണ്‍സിലര്‍മാരുമായും മന:ശാസ്ത്രജ്ഞനുമായും കുട്ടിയുടെ പ്രശ്നങ്ങള്‍ വിശദമായി സംസാരിക്കുകയും ചെയ്യുക.

6. ശരിയായ ചിന്തയില്‍നിന്നുണ്ടാകുന്നതല്ല കുട്ടിയുടെ ഭയമെന്ന് അവനെ/അവളെ പറഞ്ഞു മനസ്സിലാക്കുക

7. സ്ക്കൂളില്‍ പോകാനുളള ധൈര്യമുളളവരാണെന്നും ഇതുപോലുളള പ്രശ്നങ്ങള്‍ മറ്റു കുട്ടികള്‍ക്കും ഉണ്ടാകുമെന്നും അവര്‍ അവയെ നിസ്സാരമായിക്കാണുന്നതാണെന്നും പറഞ്ഞു മനസ്സിലാക്കുക.

8. സ്ക്കൂള്‍ ദിനങ്ങളില്‍ ആനന്ദം കണ്ടെത്താനും, സ്ക്കൂളില്‍ പോകാന്‍ താല്‍പര്യം ലഭിക്കുന്ന പ്രവൃത്തികളില്‍ ഏര്‍പ്പെടാനും കുട്ടിയെ പ്രോത്സാഹിപ്പിക്കുക.

9. സഹപാഠികളുമായുളള സൗഹൃദത്തിന് അവസരമൊരുക്കുക.

10. കുട്ടിക്കുളള കഴിവുകളെപ്പറ്റി അവനെ/ അവളെ ബോധവല്‍ക്കരിച്ച് ആത്മവിശ്വാസം വളര്‍ത്തി കഴിവുകള്‍ തെളിയിക്കാന്‍ അവസരം നല്‍കുക.

11. മനസ്സിന് ശാന്തി ലഭിക്കുന്ന യോഗ പോലുളള വ്യായാമങ്ങളും മറ്റു കുട്ടികളോടൊത്തുള്ള കായിക വിനോദങ്ങളിലേർപ്പെടാനും പ്രോത്സാഹിപ്പിക്കുക.

ayurmedi, admin

Ayurmedi
https://www.facebook.com/ayurmedi.in

Amazon.in Widgets

PCOD & PCOS : യോഗയിലൂടെ ആശ്വാസം നേടാം..

Gautham K Vijayan Psy.M., PhD (AM) - January 30 , 2022

മുട്ട് വേദന മാറ്റാം മരുന്നും കുഴമ്പും വേണ്ട.

Gautham K Vijayan Psy.M., PhD (AM) - May 23 , 2020

Have a Jasmine Plant in your Room. Jasmine Minimizes Anxiety, Panic Attacks, and Depression

Gautham K Vijayan Psy.M., PhD (AM) - May 19 , 2020

മുടികൊഴിച്ചിൽ മാറ്റാം: മരുന്നും, എണ്ണയും വേണ്ട.

Gautham K Vijayan Psy.M., PhD (AM) - May 04 , 2020

കാഴ്ച ഇല്ലാതാകുന്ന ഗ്ലുക്കോമയെ തടയാം : സുജോക്ക് ചികിത്സാ

Gautham K Vijayan Psy.M., PhD (AM) - May 03 , 2020

RELATED ARTICLES
MORE FROM AUTHER

കാഴ്ച ഇല്ലാതാകുന്ന ഗ്ലുക്കോമയെ തടയാം : സുജോക്ക് ചികിത്സാ

സുജോക് തെറാപ്പിക്ക് കേരളത്തിൽ പ്രിയമേറുന്നു .എന്തൊകൊണ്ട്?

എന്താണ് രോഗ പ്രതിരോധശേഷി ? ശ്രദ്ധിക്കേണ്ട കാര്യങ്ങൾ..

എന്താണീ കൊറോണ വൈറസ് ? അറിഞിരിക്കേണ്ട പ്രധാന കാര്യങ്ങൾ

അക്യുപഞ്ചർ എന്നാൽ എന്തു ?

ഹാർട്ട് ബ്ലോക്ക് എങ്ങിനെ ഉണ്ടാകുന്നു, എങ്ങിനെ തടയാം?

നെല്ലിക്ക അരിഷ്ടം: ഗുണങ്ങളും, ഉണ്ടാക്കുന്ന വിധവും എളുപ്പത്തിൽ

എന്താണ് രോഗ പ്രതിരോധശേഷി ? ശ്രദ്ധിക്കേണ്ട കാര്യങ്ങൾ..

എന്താണീ കൊറോണ വൈറസ് ? അറിഞിരിക്കേണ്ട പ്രധാന കാര്യങ്ങൾ

ഹാർട്ട് ബ്ലോക്ക് എങ്ങിനെ ഉണ്ടാകുന്നു, എങ്ങിനെ തടയാം?

പുതിനയിലയുടെ ഔഷധഗുണങ്ങൾ അറിയാമോ ?

ആര്യവേപ്പിന്റെ ഔഷധഗുണങ്ങൾ അറിയാമോ ?